ढगांची चित्रकला -

 

ढगांची चित्रकला -

ढग्गोब्बांनी काळ्या कुळ्या, ओढल्या चार रेषा

आणि काढल्या सूर्यालाही, झुपकेदार मिशा

 

चंद्रालाही काळेकुरळे, काढले छान केस

बदलून टाकला त्याचा तो, पांढराशुभ्र वेश

 

पुसून टाकी चांदण्यांना, फिरवून काळा कुंचला

एकाजागीच पळ म्हणे, गबदुल चांदोबाला

 

निळ्यानिळ्या आभाळावर ,काढले काय काय प्राणी

लवकर लवकर ओळखा म्हणे, पुसेन पुढच्या क्षणी

 

गुलाबी गुलाबी राजवाडे, त्यांना सोनेरी किनार

बर्फासारखे पांढरे शुभ्र , चितारले चार मिनार

 

चित्रनगरी चितारली ही, काय तिचा थाट

सांगा त्यातून कोठे जाते, म्हणे पाऊलवाट

------------------------------------------

#लेखणीअरुंधतीची –

 

Comments

Post a Comment

Popular posts from this blog

मोठ्यांची भाषा

  मोठ्यांची भाषा कधी कधी ही मोठी माणसं , काहीतरी भलतच बोलतात असं कसं मला नेहमी, मोठ्या मोठ्या कोड्यात पाडतात   आई म्हणते सीताफळं, मोठ्या डोळ्यांचीच चांगली असतात प्रश्न पडतो मला मग, इतक्या डोळ्यांनी कशी पाहतात?   प्रत्येक डोळ्यानी वेगळं पाहून , शकतील का सरळ चालू जरा विचारताच मी दटावते आई , डोळे मोठ्ठे करून मला     गुलाबाचा डोळा आबा ,    गांधारीसारखा बांधून ठेवतात. फुटला आता छान म्हणत , हळुच त्याची पट्टी सोडतात     चांगल्या डोळ्यावर बांधतात पट्टी, डोळा फुटल्यावर मात्र काढतात का मोठ्यांचं हे वागणं बोलणं , विरीत नाही का? तुम्हीच सांगा   थंडीने अंगावर आला काटा तर, आई महणते घाल स्वेटर गुलाबाला बागेमधल्या, मात्र बांधत नाही कधी मफलर   जरा नाकाला आलं पाणी तर, आई लावते व्हिक्स बाम चिक येतो म्हणून काढून टाकते, आंब्याचं तर पुरतच नाक   चाफेकळीचं नाक काय , हुंगत बसत त्याचाच सुवास? विचारलं तर आजी म्हणते, असे प्रश्न कसे सुचतात?   आपल्यासारखच ऐकू येतं ,   का हो बाबा गोकर्णाला? बाबा म...
Read more

लहरी पाऊसराव

  लहरी पाऊसराव लहरी आहेत पाऊसराव म्हणे बेडुक डराव डराव आम्ही पाहतो यांची वाट खुशाल जातात फिरवुन पाठ।।   सलामी द्यायला शेते ताठ हे म्हणती , `` थांबा थोडं पहा वाट ''! दमुन शेतं जातात वाकुन सवडीने हे येतात धावून।।   पर्स मध्ये असते छत्री येणार नाहीत बाळगा खात्री ऑफिस , शाळा भरता सुटता धारांचा कारखाना चालू करता ।। -----------  
Read more

पावसाची पाककृती

  पावसाची पाककृती पाऊस समजाऊन सांगायचाय   चिल्ल्यापिल्ल्या बालमित्रांना छानशा भाषेत ! ढग तयार व्हायची सारी प्रक्रिया, त्यांचे पहिल्यापासून विविध प्रकार Cirro, Cumulo, Strato, Nimbo सांगायचा छोटासा प्रयत्न!   आकाशाच्या हंड्यामध्ये । सूर्य बाष्पकण रोज साठव ी तळ्यामधुन वा , मळ्यामधुन वा । जलधीतुन वा, जलकण जमवी   सूर्य क ि रण ते, जलबिंदुंसी । नद्यांमधुनही, आणी उचलुनि पाणवठे होतीच कोरडे। जाती विहिरी, बारव सुकुनी   वारा घुसळे, बाष्पबिंदु ते । नभाचिया हंड्यात चांगले इथे तिथे मग, दिसू लागती । तुरळक मेघांचे फरकाटे   वाटे कुठला, हा सांगाडा । फासळ्याच जणु, मासोळीच्या अजुन काळ काहीच घुसळता । जमिनीवरुनी दिसे नजारा   हळु हळु लोणी, येऊ लागे   । तसे विस्कळित, ढग्गू गोळे दिसू लागती, आकाशीच्या । भल्याच मोठ्या, हंड्यामध्ये   तरिही राही, घुसळत वारा । एकत्रित करि, मेघ-गोलका निळ्या जांभळ्या, तयार होती । आकाशी मग, मेघमालिका   आकाशाच्या, काहिलीमधे । नवनीताचे, तूप करावे तसेच पाणी पाणी होई । धरतीवर मग पाऊस येई -----...
Read more